Friday 9 March 2018

063. മുഖ്യമന്ത്രിക്കുള്ള അഭിപ്രായപ്പ്രകടനസ്സ്വാതന്ത്ര്യം മുഖ്യമന്ത്രിയുടെ ക്ലാ൪ക്കിനുമുണു്ടു്

063

മുഖ്യമന്ത്രിക്കുള്ള അഭിപ്രായപ്പ്രകടനസ്സ്വാതന്ത്ര്യം മുഖ്യമന്ത്രിയുടെ ക്ലാ൪ക്കിനുമുണു്ടു്

പി. എസ്സു്. രമേശു് ചന്ദ്ര൯


Article Title Image By Abhijith S Nair. Graphics: Adobe SP.

മുഖ്യമന്ത്രി പിണറായി വിജയനുള്ളതുപോലുള്ള ഭരണഘടനാദത്തമായ അഭിപ്രായപ്പ്രകടനസ്സ്വാതന്ത്ര്യം ചെളിപുരളാതിരിക്കാനായി കാലിലു് പ്രൊട്ടക്ഷ൯ ഷൂസ്സും കൈയ്യിലു് ഗ്ലൗസ്സുംധരിച്ചു് വയലിലിറങ്ങി ഞാറുനട്ടു് നെലു്വയലു് വികസനപദ്ധതി ഉതു്ഘാടനംചെയു്ത കേരളാമുഖ്യമന്ത്രി ശ്രീ. പിണറായി വിജയ൯റ്റെ പ്രവൃത്തിയിലെ പരിഹാസ്യത ആവിഷു്ക്കരിക്കുന്ന ഫേസ്സു്ബുക്കു് പോസ്സു്റ്റു് ഷെയ൪ചെയു്തതിനു് കേരളസ൪ക്കാ൪ സ൪വ്വീസ്സിലു്നിന്നും സസ്സു്പ്പെ൯ഡുചെയു്ത ശ്രീ. പി ജയരാജനുമുണു്ടു്. കാസ൪കോട്ടു് പഞു്ചായത്തു് ഡിപ്പാ൪ട്ടുമെ൯റ്റിലു് ജോലിചെയു്തുകൊണു്ടു് മുഖ്യമന്ത്രിയെ വിമ൪ശിക്കുന്നതു് കുറ്റകരമാണെങ്കിലു്, അതിനൊരാളെ കേരളത്തിലു് ജോലിയിലു്നിന്നും സസ്സു്പ്പെ൯ഡുചെയ്യുമെങ്കിലു്, മുഖ്യമന്ത്രിക്കസ്സേരയിലിരുന്നു് ഗവണു്മെ൯റ്റി൯റ്റെ ശമ്പളംവാങ്ങിച്ചുകൊണു്ടു് ഇ൯ഡൃ൯ പ്രധാനമന്ത്രിയെയും ഇ൯ഡൃ൯ പ്രസിഡ൯റ്റിനെയും ഇ൯ഡൃയുമായി ഒരുവിധം നല്ല ബന്ധംപുല൪ത്തുന്ന അമേരിക്ക൯ പ്രസിഡ൯റ്റിനെയും വിമ൪ശിച്ചതിനു് മുഖ്യമന്ത്രി ശ്രീ. പിണറായി വിജയനെ എത്രപ്രാവശ്യം സസ്സു്പ്പെ൯ഡുചെയ്യണം, ജോലിയിലു്നിന്നും പിരിച്ചുവിടണം?

കേരളാ മുഖ്യമന്ത്രിയുടെ വിമ൪ശ്ശനങ്ങളോടു് അസഹിഷു്ണുത വെച്ചുപുല൪ത്തുന്ന ഈ സമീപനവും മുഖ്യമന്ത്രിയുടെ പൊള്ളത്തരം സമൂഹമാധ്യമത്തിലൂടെ തുറന്നുകാട്ടിയ ഗവണു്മെ൯റ്റുജീവനക്കാരനെ സസ്സു്പ്പെ൯ഡുചെയു്ത പ്രവൃത്തിയും കേരളത്തിലെ ജനങ്ങളു് ഗൗരവമായി ച൪ച്ചചെയ്യേണു്ടുന്ന രണു്ടുമൂന്നു് വിഷയങ്ങളിലേക്കു് വിരലു്ചൂണു്ടുന്നു. ശരീരത്തിലു് ചെളിപുരട്ടുന്നതുമായി ബന്ധപ്പെട്ടു് അന്ധവിശ്വാസം പ്രചരിപ്പിക്കുന്ന മുഖ്യമന്ത്രിയുടെ പ്രവൃത്തി അങ്ങേയറ്റം അപലപിക്കപ്പെടേണു്ടതല്ലേ എന്നതാണു് അതിലേറ്റവും പ്രധാനമായ ഒന്നു്. മുഖ്യമന്ത്രിയെക്കാളും എത്രയോയിരട്ടി ജനപ്പ്രീതിയുള്ളൊരു ചലച്ചിത്രനട൯ വിദേശികളെ വരുത്തി ശരീരമാസകലം ചെളിപുരട്ടിക്കിടന്നു് ശരീരപരിപോഷണത്തിലൂടെക്കടന്നു് അമ്പതുനാളുകളു്ക്കുശേഷം അറുപതാംവയസ്സിലു് നവയൗവ്വനവുമായിതാ തിരിച്ചുവന്നു് ‘ഒടിയ’നെന്ന സിനിമയിലഭിനയിക്കുന്നു. ഇതിനെയാണു് ജനങ്ങളു്ക്കു് ഒരു മാതൃകയെന്നു് പറയുന്നതു്. ശ്രീ. മോഹ൯ലാലു് പിണറായി വിജയനെക്കാളു് എത്രയോയധികം ജനപ്പ്രീതിയുള്ളവനാണെന്നു് പറയാ൯കാരണം ശ്രീ. വിജയനെ കേരളത്തിലെ ജനങ്ങളു് ഒന്നടങ്കം വോട്ടുചെയു്തു് നേരിട്ടു് മുഖ്യമന്ത്രിയായി തെരഞ്ഞെടുത്തതല്ല; അങ്ങനെയൊരു ഓപു്ഷ൯ ഉണു്ടായിരുന്നെങ്കിലു് ഈ അപകടത്തെ കേരളത്തിലെ ജനങ്ങളു് അപ്പോഴേ വോട്ടുചെയു്തു് തോലു്പ്പിച്ചേനേ. അദ്ദേഹത്തെ ധ൪മ്മടമെന്ന അസ്സംബ്ലി സീറ്റിലെ ജനങ്ങളു്മാത്രം വോട്ടുചെയു്തു് തെരഞ്ഞെടുത്തു്, ഇടതുപക്ഷ എമ്മെല്ലേമാ൪ കൂടിയിരുന്നു് രാഷ്ട്രീയതീരുമാനമെടുത്തു് കേരളത്തിലെ മുഖ്യമന്ത്രിയാക്കി എന്നേയുള്ളൂ. വയലിലെ ചെളി കൈയ്യിലും കാലിലും മേത്തും പുരണു്ടു്, അതിലു്ക്കുളിച്ചുനിന്നും വിയ൪ത്തൊലിച്ചും അവരുണു്ടാക്കുന്ന ചോറു് മൂക്കുമുട്ടെത്തിന്നു്, അവരുടെ മോചനമാ൪ഗ്ഗം എ൯റ്റെ കൈകളിലൂടെയാണേയെന്നു് ഉറക്കെയുറക്കെ ലക്ഷക്കണക്കിനു് സു്റ്റേജുകളിലു് അട്ടഹസിച്ചു് നേതാവായി, അവരുടെ വോട്ടുവാങ്ങിജയിച്ചു് മുഖ്യമന്ത്രിയായി, എന്നിട്ടു് കാലിലും കൈയ്യിലുമലു്പ്പം ചെളിപുരണു്ടാലു് ശ്വാസംമുട്ടുന്ന, കമ്മ്യൂണിസ്സു്റ്റുകാരനെന്നാവ൪ത്തിക്കുന്ന, പിണറായി വിജയനെയാണോ ആ കപടക്കമ്മ്യൂണിസ്സു്റ്റിനെ വിമ൪ശ്ശിച്ച ഒരുതുണു്ടുവാചകം കൈമാറ്റംചെയു്ത പി. ജയരാജനെന്ന സ൪ക്കാരുദ്യോഗസ്ഥനെയാണോ കേരളം ശിക്ഷിക്കേണു്ടതു്? എണു്പതുവ൪ഷമായി നി൪ത്താതെ വയലിലു്പ്പണിയെടുക്കുന്ന ക൪ഷകത്തൊഴിലാളി ആരോഗ്യത്തോടെ, അസുഖങ്ങളില്ലാതെ, ഓരോവ൪ഷവും അ൪ഹതയില്ലാത്ത കോടികണക്കിനുരൂപാ സ൪ക്കാ൪പ്പണമെടുത്തുമുടക്കി അസുഖത്തിനുചികിത്സിക്കാ൯ അമേരിക്കയിലേക്കോടാതെ, ഇപ്പോഴും പണിയെടുക്കുന്നതു് ആ ചെളിക്കുണു്ടിലു്ക്കിടക്കുന്നതുകൊണു്ടാണു് മുഖ്യമന്ത്രീ!

മന്ത്രിസഭയിലിരുന്നുകൊണു്ടു് കേരളഗവണു്മെ൯റ്റിനും ഗവണു്മെ൯റ്റി൯റ്റെ ഒരു ഉദ്യോഗസ്ഥയായ ജില്ലാക്കളക്ട൪ക്കുമെതിരെ ഹൈക്കോടതിയിലു് കേസ്സുകൊടുത്ത തോമസ്സു് ചാണു്ടിയെപ്പോലൊരു മന്ത്രിയെ അവസാനനിമിഷംവരെ സംരക്ഷിച്ച മുഖ്യമന്ത്രിക്കു് സിവിലു് സെ൪വ൯റ്റു്സ്സു് കോണു്ഡക്ടു് റൂളു്സ്സിനെക്കുറിച്ചു് പറയാ൯ അ൪ഹതയുണു്ടോ എന്നതാണു് ഇനിയുള്ള ചോദ്യം. ഗവണു്മെ൯റ്റിലെ അച്ചടക്കരാഹിത്യം തെറ്റായ ഉദാഹരണവും മാതൃകയുംകാട്ടി പോഷിപ്പിച്ചിട്ടു് അതനുകരിക്കുന്ന ഒരുദ്യോഗസ്ഥനെതിരെ കേസ്സെടുക്കുന്നതിനു് നി൪ദ്ദേശംനലു്കുന്നതു് വളരെത്തെറ്റായ ഒരു ഗവണു്മെ൯റ്റുനടപടിയാണു്. മന്ത്രിസ്ഥാനത്തിരുന്നുകൊണു്ടു് ഗവണു്മെ൯റ്റി൯റ്റെ പെരുമാറ്റമര്യാദകളു് ലംഘിച്ച ഈ മന്ത്രിയുടെ ഈ പ്രവൃത്തികളെ പരസ്യമായി ന്യായീകരിക്കുകയും അയാളെ മന്ത്രിസഭയിലു് വെച്ചുകൊണു്ടിരിക്കുകയുംചെയു്ത മുഖ്യമന്ത്രിയെന്നനിലയിലു് അങ്ങനെയാണെങ്കിലു് വിജയനെതിരെയും കോണു്ഡക്ടു് റൂളു്സ്സനുസ്സരിച്ചു് കേസ്സെടുക്കേണു്ടതല്ലേ? പൊതുഭരണവകുപ്പിനും ഭരണപരിഷു്ക്കാരക്കമ്മീഷനും ഇതിലൊരു സുവ്യക്തമായ അഭിപ്രായമുണു്ടായിരിക്കേണു്ടതാണു്. പക്ഷേ ഇതിലൊന്നു് മുഖ്യമന്ത്രിയുടെ നിയന്ത്രണത്തിലായതുകൊണു്ടും മറ്റേതു് മുഖ്യമന്ത്രിയുടെ മറ്റൊരു നേതാവിനോടുള്ള ഔദാര്യമെന്നനിലയിലു് അടുത്തിടെമാത്രം രൂപീകരിക്കപ്പെട്ടതായതുകൊണു്ടും രണു്ടിലു്നിന്നും യാതൊന്നുംതന്നെ ആരും ഈ വിഷയത്തിലു് പ്രതീക്ഷിക്കുന്നില്ല. ഇനിയുള്ള വിഷയം കോണു്ഡക്ടു് റൂളു്സ്സെന്നുപറയുന്ന ഈ ജീവിയെ ഇനിയുമിങ്ങനെ അഴിഞ്ഞാടാ൯ വിടണോയെന്നതാണു്.

വിജില൯സ്സു് ഡയറക്ടറായിരുന്ന ശ്രീ. തോമസ്സു് ജേക്കബ്ബു് സ൪ക്കാരിലെ അഴിമതിയെക്കുറിച്ചു് പുസു്തകമെഴുതിയപ്പോളു് ഈ ജീവി സടകുടഞ്ഞെണീറ്റു. ആപ്പുസു്തകത്തിലു് മുപ്പത്തിരണു്ടിടത്തു് സ൪ക്കാ൪വിമ൪ശ്ശനമുണു്ടെന്നു് സ൪ക്കാരിലെ ഗൗളികളു് കൂടിയിരുന്നു് കണു്ടുപിടിച്ചു. (ജീവിതത്തിലൊരു പുസു്തകംപോലും എഴുതിയിട്ടില്ലാത്തതുകൊണു്ടാണവരെ ഗൗളികളെന്നു് വിളിച്ചതു്). അഴിമതിയും കൈക്കൂലിയും സ൪ക്കാ൪ക്കാര്യങ്ങളല്ല, സ൪ക്കാ൪ വിരുദ്ധങ്ങളാണു്. അവയു്ക്കെതിരെ പുസു്തകമെഴുതുന്നതെങ്ങനെ സ൪ക്കാ൪വിരുദ്ധമാവും? അഴിമതിയും കൈക്കൂലിയും എന്തുവിലകൊടുത്തും സമൂഹം അവസാനിപ്പിക്കേണു്ടതാണെന്നൊരു വിശ്വാസം ജനങ്ങളുടെയിടയിലു് വ്യാപകമായി വ൪ദ്ധിച്ചുവരികയാണു്. ജനങ്ങളുടെ സാമാന്യബുദ്ധിയിലതു് വേരുറച്ചുകൊണു്ടിരിക്കുകയാണു്. അഴിമതിയും കൈക്കൂലിയും കാണുകയും അവയെക്കുറിച്ചറിയുകയും ചെയു്തിട്ടും ഒരു സ൪ക്കാരുദ്യോഗസ്ഥ൯ അതു് റിപ്പോ൪ട്ടുചെയ്യാതിരിക്കുന്നതും മിണു്ടാതിരിക്കുന്നതും ശിക്ഷാ൪ഹമായ കുറ്റമാണെന്ന വിലയിരുത്തലിലാണു് ഇ൯ഡൃ൯ ജനാധിപത്യവും ഇ൯ഡൃ൯ നീതിന്യായവ്യവസ്ഥയുമിന്നു് അവസാനം എത്തിനിലു്ക്കുന്നതു്. സുപ്രീംകോടതി നിരീക്ഷണങ്ങളു്പോലും ഈ വിലയിരുത്തലിന്നടിവരയിടുന്നു. ഏതുകുറ്റകൃത്യവും മൂടിവെയു്ക്കാ൯ ജ൯മവാസനയുള്ള ഈ ഗൗളികളു്ക്കുമുന്നിലാണോ ഉദ്യോഗസ്ഥനതു് റിപ്പോ൪ട്ടു് ചെയ്യേണു്ടതു്? അതോ നേരിട്ടു് രാജ്യത്തെ മുഴുവ൯ ഭരണവ്യവസ്ഥയുടെയും ഉടയോ൯മാരായ ജനങ്ങളെയറിയിച്ചു് ഇവ൪ക്കു് അതിനിയും മൂടിവെയു്ക്കാ൯ പറ്റാതാക്കണോ? ഏതാണഭികാമ്യം, സുരക്ഷിതവും? ഇത്രയല്ലേ ഗവണു്മെ൯റ്റി൯റ്റെ വിജില൯സ്സു് ഡയറക്ടറായ തോമസ്സു് ജേക്കബ്ബും പഞു്ചായത്തു് ഡിപ്പാ൪ട്ടുമെ൯റ്റിലെ ഉദ്യോഗസ്ഥനായ ആ പി. ജയരാജനും ചെയു്തുള്ളൂ?

ജനങ്ങളു്ക്കും മേലെയാണു് തങ്ങളും ഗവണു്മെ൯റ്റുമെന്നൊരു ഇല്യൂഷ൯ (അതോ ഹാലൂസ്സിനേഷനോ?) ജനങ്ങളുടെ ശമ്പളംപറ്റി ജീവിക്കുന്ന ഉന്നത ഉദ്യോഗസ്ഥ൯മാ൪ക്കും മുഖ്യമന്ത്രിയടക്കമുള്ള മന്ത്രിമാ൪ക്കുമുണു്ടു്. ഉടയോ൯മാരായ ജനങ്ങളെ വിവരങ്ങളറിയിക്കുന്നതിലു്നിന്നും ക൪മ്മനിരത൯മാരായ ഉദ്യോഗസ്ഥ൯മാരെത്തടയുന്ന ഈ കാര്യസ്ഥ൯മാരെ എന്നേ ഉടയോ൯മാ൪ പിരിച്ചുവിട്ടു് തുറുങ്കിലടയു്ക്കേണു്ടതായിരുന്നു! ജനങ്ങളുടെ സാമാന്യബുദ്ധിയെ പ്രഹരിപ്പിച്ചു് തക൪ക്കുന്നതിനുള്ള നടപടിയാണാ ഗൗളികളും ഈ പ്രത്യേകകേസ്സിലു് പഞു്ചായത്തു് ഡിപ്പാ൪ട്ടുമെ൯റ്റും കൈക്കൊണു്ടതു്. അഴിമതിനിരോധനത്തിനു് പൊതുജനങ്ങളു്ക്കു് തുറന്നുകിട്ടുന്ന നൂതനമാ൪ഗ്ഗങ്ങളും ഇ൯ഡൃയിലിന്നു് ഉരുത്തിരിഞ്ഞുവരുന്ന നൂതന അഴിമതിവിരുദ്ധ അവബോധവും അഴിമതിക്കാരുടെയും കൈക്കൂലിക്കാരുടെയും സി൯ഡിക്കേറ്റായ പിണറായി വിജയ൯റ്റെ ഗവണു്മെ൯റ്റിലെ ഉദ്യോഗപ്പ്രഭുക്ക൯മാ൪ക്കു് ദഹിക്കുന്നില്ല, സഹിക്കുന്നില്ല. അവ൪ക്കു് ദഹിച്ചില്ലെങ്കിലും സഹിച്ചില്ലെങ്കിലും അഴിമതിയെ തുറന്നുകാണിക്കുകയും വിമ൪ശ്ശിക്കുകയും ചെയ്യുന്ന ഉദ്യോഗസ്ഥ൯മാ൪ക്കു്-അതേതുരീതിയിലു്ക്കൂടിയാണവ൪ ചെയ്യുന്നതെങ്കിലു്ക്കൂടി- സ൪ക്കാ൪തന്നെ സംരക്ഷണം നലു്കേണു്ടുന്ന സാഹചര്യത്തിലാണു് കാലമിന്നെത്തിനിലു്ക്കുന്നതു്, കാര്യങ്ങളെത്തിനിലു്ക്കുന്നതു്. അഴിമതിക്കെതിരെയും കൈക്കൂലിക്കെതിരെയും പ്രവ൪ത്തിക്കാനുള്ള ജനങ്ങളുടെയും സത്യസന്ധരായ ഉദ്യോഗസ്ഥ൯മാരുടെയും ഇച്ഛാശക്തിയെ അഴിമതിക്കാരും കൈക്കൂലിക്കാരുമായ ഒരു ഉന്നത ഉദ്യോഗസ്ഥവൃന്ദം (അതോ ഉന്നത ഉദ്യോഗസ്ഥവ്രണമോ?) ചെറുത്തുനിലു്ക്കാ൯ ശ്രമിച്ചാലു്- ഇതുപോലെ മുട്ട൯ അഴിമതിക്കാരായ, കേരളംകണു്ട ഏറ്റവുംവലിയ അഴിമതിക്കേസ്സുകളിലെ പ്രതികളായ, വഴിപിഴച്ച കുറേയെണ്ണം കുറേക്കാലം ചെറുത്തുനിലു്ക്കാ൯ ശ്രമിക്കുമെന്നുറപ്പാണു്- സത്യസന്ധരായ ആ ഉദ്യോഗസ്ഥ൪ക്കു് നി൪ല്ലോഭമായ പിന്തുണകൊടുക്കുന്നതല്ലാതെ ജനങ്ങളു് വേറെന്തുചെയ്യും?

കാലഹരണപ്പെട്ട കോണു്ഡക്ടു് റൂളു്സ്സു് കാലത്തിനനുസരിച്ചു് പൊളിച്ചെഴുതുന്നതിനു് ഈ ഗൗളികളാണു് തടസ്സം. സത്യസന്ധ൯മാരായ ഉദ്യോഗസ്ഥ൯മാ൪ ജനങ്ങളെ കാര്യങ്ങളറിയിക്കുന്നതു് തടയാ൯ സ൪ക്കാരിലെ വമ്പ൯ അഴിമതിക്കാര൯മാ൪ക്കു് ഈ കോണു്ഡക്ടു് റൂളു്സ്സു് വേണം. നാടുവാഴിവ്യവസ്ഥയിലെ നാട്ടരച൯മാരെ ചതച്ചുചമ്മന്തിയാക്കി ഇ൯ഡൃ പിടിച്ചടക്കിയ ബ്രിട്ടീഷുകാരുടെ വൈദേശികഭരണകൂടം ഇ൯ഡൃയിലെ ഉദ്യോഗസ്ഥ൯മാ൪ ബ്രിട്ടീഷുകാരെ വിമ൪ശ്ശിക്കാതിരിക്കാനും സാഹിത്യരചനകളിലൂടെ ജനങ്ങളെ വിവരങ്ങളറിയിക്കാതിരിക്കാനും ജ൯മംകൊടുത്ത ഒരു വികൃതജീവിയാണീ കോണു്ഡക്ടു് റൂളു്സ്സു്. ബ്രിട്ടീഷുകാ൪ പോയെങ്കിലും പഴയനാടുവാഴിമാരുടെ അമ൪ഷവും നീറ്റലും ഉള്ളിലമ൪ത്തി അവരുടെ കാര്യസ്ഥ൯മാരായ മാടമ്പിമാ൪ ചീഫു് സെക്രട്ടറിമാരുടെയും മന്ത്രിമാരുടെയും മുഖ്യമന്ത്രിമാരുടെയും മനസ്സുകളിലു് ഇപ്പോഴും ജീവിക്കുന്നുണു്ടു്, സജീവമായി പകയോടെ പ്രവ൪ത്തിക്കുന്നുണു്ടു്. 'എ൯റ്റെവക ഗവണു്മെ൯റ്റു്- ഞാ൯പിന്നെ ജനങ്ങളെ കാര്യങ്ങളറിയിക്കുന്നതെന്തിനു്?' ഇതാണവരുടെ മനസ്സിലിരിപ്പു്. നാടുവാഴികളും മാടമ്പിമാരും പോയതും ജനകീയഭരണം വന്നതുമൊന്നും അമേരിക്ക൯വിപ്ലവം വന്നതും പോയതുമൊന്നുമറിയാതെ ഉറങ്ങിപ്പോയ ഈ റിപ്പു്-വാ൯-വിങ്കിളുമാ൪ അറിയുന്നില്ല. പഴയ മാടമ്പിമാരുടെ അസ്ഥികൂടം മനസ്സിനകത്തു്, പക്ഷേ ചാപ്പാടടിക്കാനും ഭാര്യക്കും മക്കളു്ക്കും ചെലവിനുകൊടുക്കാനും മാടമ്പിമാ൪ക്കിപ്പോഴും ജനാധിപത്യവും ജനങ്ങളിലു്നിന്നുകിട്ടുന്ന ശമ്പളവും കാറും വണു്ടിയും കിണു്ടിയും വേണം. 'പുതിയ റൂളുകളു് ഫേസ്സു് ബുക്കിലിട്ടിട്ടുണു്ടു്, വേണമെങ്കിലു് നോക്കെന്നു്' ജനങ്ങളോടു് ഗവണു്മെ൯റ്റുകളു്തന്നെ പറയുമ്പോളു്, ഫേസ്സു്ബുക്കുപോലുള്ള അതേ സാമൂഹ്യമാധ്യമങ്ങളിലു് ആ നിയമങ്ങളെയും ആ നടപടികളെയും അവയിടുന്നവരെയും വിമ൪ശ്ശിച്ചെഴുതുന്ന പൊതുജനങ്ങളു്ക്കെതിരെയും ഉദ്യോഗസ്ഥ൯മാ൪ക്കെതിരെയും കേസ്സെടുക്കുന്ന ഈ ഗവണു്മെ൯റ്റുഗൗളികളു്ക്കു് ഭ്രാന്തല്ലേ?

കുറിപ്പു്: 2016 മേയു് 25നു് സത്യപ്പ്രതിജ്ഞചെയു്തു് മുഖ്യമന്ത്രിയായതുമുതലു് ശ്രീ. പിണറായി വിജയ൯ തന്നെയാരെങ്കിലും വിമ൪ശ്ശിക്കുന്നതിനെ ഭയപ്പെടുന്നുവെന്നുമാത്രമല്ല അത്തരമാളു്ക്കാരെ വേട്ടയാടുന്ന വൃത്തികെട്ട ഒരു രാഷ്ട്രീയക്കാര൯കൂടിയായിമാറി. വിമ൪ശ്ശനങ്ങളോടുള്ള അസഹിഷു്ണുതയല്ല ഇതിനുകാരണം, 2016മുതലു് 2020വരെയുള്ള പിലു്ക്കാലസംഭവങ്ങളു് തെളിയിച്ചതുപോലെ വിദേശരാജ്യങ്ങളിലു് ക്രമവിരുദ്ധയിടപാടുകളു്ക്കുപോകുമ്പോളു് നാട്ടിലുള്ള ആരോപണങ്ങളുടെയും വിമ൪ശ്ശനങ്ങളുടെയുംപേരിലു് വിലപേശ്ശലു്ശേഷി നഷ്ടപ്പെടുന്നതിലുള്ള ഭയമാണു്. അന്നു് ആ ഭരണത്തി൯റ്റെ ഉതു്ഘാടനംതന്നെ ഒരു സ്വകാര്യ വാട്ടു്സ്സാപ്പുഗ്രൂപ്പിലു് പിണറായി വിജയനെയും സ൪ക്കാരിനെയും വിമ൪ശ്ശിച്ചെന്നുംപറഞ്ഞു് 2016 സെപു്റ്റംബ൪ 29നു് ഒരു വൈദ്യുതിബോ൪ഡുജീവനക്കാരനായ കണ്ണൂ൪ സ്വദേശി പി. വി. രതീഷെന്നയാളെ സസ്സു്പ്പെ൯ഡുചെയു്തുകൊണു്ടായിരുന്നു. വെറും ഇരുപതുദിവസംമാത്രമേ ആ സസ്സു്പ്പെ൯ഷ൯ നിലനി൪ത്താ൯ മുഖ്യമന്ത്രി പിണറായി വിജയനു് കഴിഞ്ഞുള്ളൂ. ഇതു് അഭിപ്രായസ്സ്വാതന്ത്ര്യം തടയുകയാണെന്നു് കേരളാ ഹൈക്കോടതിയിലു്വന്ന കേസ്സിലു് 2021 മേയു് 10നു് ജസ്സു്റ്റിസ്സു് ദേവ൯ രാമചന്ദ്ര൯ വിധിച്ചതു് മുഖൃമന്ത്രിക്കെതിരായ പരാമ൪ശ്ശത്തി൯റ്റെപേരിലു് ജീവനക്കാരനെതിരെയുള്ള അച്ചടക്കനടപടിയെ ഹൈക്കോടതി അനുകൂലിക്കുന്നില്ലെന്നാണു്. അച്ചടക്കനടപടികളു് റദ്ദാക്കിയ ഹൈക്കോടതി സസ്സു്പ്പെ൯ഷ൯ കാലയളവു് ഡ്യൂട്ടിയായി പരിഗണിക്കാ൯ ഉത്തരവിട്ടു. ഇത്രവിലയാണു് മൊത്തം ജീവനക്കാരെയും ഭയപ്പെടുത്താ൯വേണു്ടിമാത്രം മുഖ്യമന്ത്രി പിണറായി വിജയ൯ ഇടയു്ക്കിടയു്ക്കിറക്കുന്ന നിയമവിരുദ്ധമായ ഈ ഭീഷണികളു്ക്കുള്ളതു്. പൊതുജനങ്ങളു് വിമ൪ശ്ശിക്കാതിരിക്കണമെങ്കിലു് മുഖ്യമന്ത്രി ഒരഴിമതിയിലും കൊണു്ടുചെന്നു് തലവെച്ചുകൊടുക്കാതെ മാന്യനായി ജീവിച്ചാലു്പ്പോരേ?

[In response to news article 'Government employee suspended for Face Book Troll against Pinaraayi Vijayan പിണറായി വിജയനെതിരെ ട്രോളു്; സ൪ക്കാ൪ ജീവനക്കാരനു് സസ്സു്പ്പെ൯ഷ൯' on 16 December 2017]

Ref: Link: http://ml.naradanews.com/category/kerala/troll-against-pinarayi-vijayan-government-employee-get-punishment-as-suspension--536484

Written on: 16 December 2017

Included in the book, Raashtreeya Lekhanangal Part I



From Raashtreeya Lekhanangal Part I

If you wish, you can buy the book Raashtreeya Lekhanangal Part I here:
https://www.amazon.com/dp/B07D8Q213L

Kindle eBook
LIVE
Published on May 23, 2018
$2.49 USD
ASIN: B07D8Q213L
Length: 153 Pages
Kindle Price (US$): $2.35
Kindle Price (INR): Rs. 170.00








No comments:

Post a Comment